ڈسٹرکٹ پولیس لائن مظفرگڑھ میں جنرل پریڈ، ڈی پی او صادق علی ڈوگر نے سلامی لی

مظفرگڑھ ۔ (مظفر گڑھ ڈاٹ سٹی۔ 06 مئی2019ء) ڈسٹرکٹ پولیس لائن مظفرگڑھ میں جنرل پریڈ، ڈی پی او صادق علی ڈوگر نے سلامی لی، پولیس کے چاق و چوبند دستوں نے پریڈ میں حصہ لیا اور ڈی پی او کو سلامی دی جن میں پولیس افسران، ملازمان، لیڈی پولیس، ٹریفک پولیس اور ایلیٹ فورس کے علیحدہ علیحدہ دستے شامل تھے، تفصیل کے مطابق علی الصبح پولیس لائن میں جنرل پریڈ کا خصوصی اہتمام کیا گیا، ڈی پی او صادق علی ڈوگر نے ڈی ایس پی ہیڈ کوارٹرز سعداللہ خان، ڈی ایس پی سٹی سرکل ناصر نواز کے ہمراہ سلامی لی، پولیس کے چاق و چوبند دستوں نے مارچ پاسٹ کیا، ڈی پی او نے ضلع کے مختلف تھانوں سے آئی سرکاری گاڑیوں کا ملاحظہ بھی کیا اور مختلف ہدایات جاری کیں، ڈی پی او صادق علی ڈوگر نے پولیس لائن میس میں پولیس ملازمین کے ہمراہ ناشتہ کیا اور پولیس ملازمین کے مسائل ناشتہ کی میز پر براہ راست خود سماعت کیئے، ڈی پی او نے مسائل کیلئے پیش ہونے والے ملازمین میں سے ملازمیںن معطلی سے بحالی، چھٹیوں کی منظوری، تبادلہ جات اور دیگر احکامات جاری کیئے، جن میں سب انسپکٹر قاری غلام شبیر، سب انسپکٹر رانا جاوید، اے ایس آئی جمیل، کنسٹیبل صادق و دیگر شامل تھے، اس موقع پر ڈی ایس پی ہیڈ کوارٹرز سعد اللہ خان، ڈی ایس پی سٹی سرکل ناصر نواز، ریزرو انسپکٹر عاشق حسین گشکوری، ریاض گھلو اور دیگر موجود تھی.