ڈسٹرکٹ بار مظفرگڑھ کے الیکشن شیڈول کا اعلان کر دیا گیا

مظفرگڑھ (اُمظفرگڑھ ڈاٹ سٹی۔ 24 دسمبر2019ء) ڈسٹرکٹ بار ایسوسی ایشن مظفرگڑھ کے صدر مہر اعجاز احمد ایڈووکیٹ نے بار کے الیکشن شیڈول برائے سال 2020-2021کا اعلان کر دیا۔

اعلامیہ کے مطابق بار کے الیکشن 11 جنوری کو ہونگے جس کے لئے چیئرمین الیکشن بورڈ میاں محمد حنیف عابد ایڈووکیٹ ہونگے، امیدواروں سے کاغذات نامزدگی 24 سے 28 دسمبر تک وصول کئے جائیں گے، اعتراضات 30 دسمبر کو کئے جا سکیں گے جبکہ واپسی کاغذات اور امیدواروں کی حتمی فہرست 31 دسمبر کو بار روم میں آویزاں کی جائے گی۔

مظفرگڑھ بار نے امیدواروں کے لئے بھاری انتخابی فیسوں کا شیڈول بھی جاری کیا ہے جس کے مطابق امیدوار برائے صدارت 75 ہزار روپے، نائب صدر 35 ہزار روپے، جنرل سیکرٹری 50 ہزار روپے، جوائینٹ سیکرٹری، فنانس سیکرٹری اور لائیبریری سیکرٹری 20 ہزار فی عہدہ اور ممبر مجلس عاملہ 5 ہزار روپے فیس جمع کرائے گا۔ فیس جمع نہ کرانے والا امیدوار الیکشن نہیں لڑ سکے گا جبکہ ہر امیدوار واجبات کی مکمل ادائیگی اور کلیئرنس سرٹیفیکیٹ بھی جمع کرانے کا پابند ہو گا۔