پولنگ سٹیشن حملہ کیس،چیف الیکشن کمشنر کا آئی جی پنجاب کو رپورٹ سمیت پیش ہونے کا حکم

مظفرگڑھ (مظفرگڑھ ڈاٹ سٹی۔ 26 اگست2022ء) مظفر گڑھ پولنگ اسٹیشن حملہ کیس میں چیف الیکشن کمشنر سکندر سلطان راجہ نے آئندہ سماعت پر انسپکٹر جنرل(آئی جی)پنجاب کو انکوائری رپورٹ سمیت پیش ہونے کا حکم دیدیا۔الیکشن کمیشن میں مظفرگڑھ ضمنی انتخاب میں پولنگ سٹیشن پر جھگڑے کے کیس کی سماعت کے دوران موجودہ اور سابق ڈی پی اوز مظفرگڑھ کمیشن میں پیش ہوئے، چیف الیکشن کمشنر نے استفسار کیا کہ آئی جی پنجاب کیوں نہیں آئی جس پر آر پی او نے بتایا کہ نوٹس میں سابق آئی جی رائو سردار کا نام لکھا ہوا تھا، الیکشن کمیشن فون کر کے وضاحت بھی لی تھی۔

الیکشن کمیشن سے بتایا گیا کہ جس کا نام لکھا ہے وہی پیش ہو، چیف الیکشن کمشنر نے ڈسٹرکٹ مانیٹرنگ افسر سے استفسار کیا کہ پولنگ سٹیشن پر حملہ ہوا تو آپ نے کیا ایکشن لیا واقعہ کی ایف آئی آر بھی پولیس کی مدعیت میں ہے کمیشن کی نہیں، لوگ جعلی ایف سی کی وردیوں والے گارڈ لیکر پھر رہے تھے کوئی ایکشن نہیں ہوا۔