وزیراعلیٰ پنجاب سردار عثمان بزدار نے جنوبی پنجاب سیکرٹریٹ کے قیام کیلئے فنڈز مختص کردیئے ہیں،مہناز سعید

مظفرگڑھ (مظفرگڑھ ڈاٹ سٹی – 28 جون 2019ء) چیف منسٹر پنجاب شکایات سیل وومن ونگ کی چیئرپرسن محترمہ مہناز سعید نے کہا ہے کہ وزیراعلیٰ پنجاب سردار عثمان بزدار نے جنوبی پنجاب سیکرٹریٹ کے قیام کیلئے فنڈز مختص کردیئے ہیں، جگہ کا تعین اتفاق رائے سے کیا جائے گا۔

میڈیا سے بات چیت کرتے ہوئے انہوں نے کہا کہ وزیراعلیٰ نے جنوبی پنجاب کے علاقوں کے مسائل کے حل اور فلاح عامہ کے منصوبوں کے بارے میں تجاویز عوامی نمائیندوں سے طلب کی ہیں.انہوں نے وزیراعلیٰ پنجاب کی طرف سے جنوبی پنجاب کیلئے 35 فیصد ترقیاتی بجٹ مختص کرنے پر وزیراعلیٰ کا شکریہ بھی ادا کیا۔

انہوں نے کہا کہ پنجاب حکومت اراکین اسمبلی اور پارٹی ورکرز کی تجاویز اور سفارشات پر عملدرآمد کویقینی بنائے گی۔ جبکہ سب نے مل کر صوبے کے عوام کی امیدوں اور توقعات پر پورا اترنا ہے۔