وزیراعلیٰ پنجاب آئندہ ماہ فیصل اسٹیڈیم مظفرگڑھ میں جیمنیزیم کا افتتاح کریں گے۔ملک مرتضیٰ

مظفر گڑھ۔(مظفر گڑھ ڈاٹ سٹی۔ 19 اکتوبر2018ء) ڈویثرنل سپورٹس آفیسر ڈیرہ غازیخان ملک مرتضیٰ نے بتایا ہے کہ وزیراعلیٰ پنجاب سردار محمد عثمان بزدار آئندہ ماہ فیصل اسٹیڈیم مظفرگڑھ میں جیمنیزیم کا افتتاح کریں گے۔ تفصیل کے مطابق ڈویڑنل سپورٹس آفیسر نے مظفرگڑھ میں صحافیوں سے گفتگو کرتے ہوئے بتایا کہ آئندہ ماہ وزیر اعلی پنجاب سردار محمد عثمان بزدار کی آمد متوقع تاکہ چیف منسٹر پنجاب مظفرگڑھ جمنیزیم کا افتتاح کر سکیں۔پنجاب سپورٹس بورڈ نے بھی ایکسئن بلڈنگ مظفرگڑھ کو ہدایت کی ہے کہ وہ مظفرگڑھ میں جیمنیزیم کی عمارت کی فوری طور پر تکمیل اور تزئین و آرائیش کا کام مکمل کریں۔ڈسٹرکٹ سپورٹس آفیسر روئف عامر بپا نے بتایا ہے کہ وزیراعلیٰ پنجاب جنوبی پنجاب کے تمام اضلاع میں کھلاڑیوں کو ضروری سہولیات فراہم کرنے کیلئے سنجیدگی سے اقدامات کر رہے ہیں۔ فیصل اسٹیڈیم مظفرگڑھ میں جیمنیزیم کی تعمیر نو بھی وزیراعلیٰ پنجاب کے صحت مند کھیلوں کے فروغ کی پالیسی کا حصہ ہے۔