وزیراعلیٰ عثمان بزدار کی رکن اسمبلی رضا حسین بخاری کی رہائشگاہ سیت پور شیخانی،مظفرگڑھ آمد،والد کے انتقال پر اظہار تعزیت،فاتحہ خوانی

وزیراعلیٰ عثمان بزدار نے سوگوار خاندان کے لئے صبر جمیل کی بھی دعا کی۔ وزیراعلیٰ عثمان بزدار نے مخدوم رضا حسین بخاری سے تعزیت کرتے ہوئے کہا کہ والد سایہ دار شجر کی مانند ہوتے ہیں۔والد کی محبت اور شفقت کی مٹھاس سے محرومی کا احساس زندگی بھر رہتا ہے۔والد صرف ایک رشتہ نہیں بلکہ سچے، صادق اور شفیق جذبے کا نام ہے۔والد کا دنیا سے چلے جانا ناقابل تلافی نقصان ہے۔اللہ تعالیٰ آپ کو یہ صدمہ برداشت کرنے کی توفیق دے۔رکن قومی اسمبلی سردار نصراللہ دریشک، صوبائی وزیر لائیوسٹاک سردار حسنین بہادر دریشک، رکن پنجاب اسمبلی خرم لغاری اور دیگر شخصیات بھی اس موقع پر موجود تھیں۔