مہنگائی سے تنگ باپ نے 4 سالہ بیٹی کو خود سے باندھ کر نہر میں چھلانگ لگا دی

مظفر گڑھ(مظفرگڑھ ڈاٹ سٹی ۔ 10 مارچ 2023ء) مہنگائی سے تنگ باپ نے 4 سالہ بیٹی کو خود سے باندھ کر نہر میں چھلانگ لگا دی ۔تفصیلات کے مطابق پنجاب کے ضلع مظفر گڑھ میں افسوسناک واقعہ پیش آیا ہے جہاں پر غربت کا ستایا باپ 4 سالہ بیٹی کو خود سے باندھ کر نہر میں کود گیا۔یہ واقعہ گذشتہ روز پیش آیا۔باپ اور بیٹی کی تلاش کے لیے عباسیہ نہر میں آپریشن دوسرے روز بھی جاری ہے۔

بتایا گیا ہے کہ سلیم نامی شخص نے 4 سالہ بیٹی کو اپنے جسم سے باندھ کر نہر میں چھلانگ لگا دی۔ریسکیو ذرائع کے مطابق چھلانگ لگانے والا شخص مبینہ طور پر اپنی بیوی کے ساتھ گھریلو جھگڑے کی وجہ سے رنجیدہ تھا۔53 سالہ محمود سلیم مہنگائی اور غربت کی وجہ سے بھی پریشان تھا۔اسی طرح مظفرگڑ ھ کے علی پور روڈ پر بستی جلال آباد میں گھریلو جھگڑوں کی وجہ سے ایک شخص نے خود کو گولی مار کر خود کشی کر لی ،ریسکیو 1122۔