ملک میں مردو خواتین کو برابری کے حقوق حاصل ہیں،ڈپٹی کمشنر

مظفر گڑھ۔ (مظفر گڑھ ڈاٹ سٹی۔ 24 اگست2017ء)ڈپٹی کمشنر مظفرگڑھ محمد سیف انور نے کہا ہے کہ ہم آزاد ملک کے شہری ہیں جہاں مردو خواتین کو برابری کے حقوق حاصل ہیںاوریہاں اقلیتوں کے بھی ان کے بنیادی حقوق حاصل ہیں، یہ بات انہوںنے جشن آزادی کے سلسلے میں گورنمنٹ ڈگری کالج برائے خواتین مظفرگڑھ میں منعقدہ ایک تقریب سے خطاب کرتے ہوئے کہی، انہوں نے کہا کہ قیام پاکستان سے لے کر ترقی پاکستان تک خواتین کے کردار کو فراموش نہیں کیا جاسکتا ، آج کی خواتین بھی محنت ،لگن اور جذبہ حب الوطنی سے سرشار ہو کر اپنی صلاحیتوں سے ملک کو ترقی کی راہ پر گامزن کرنے کیلئے مردوں کے شانہ بشانہ کام کررہی ہیں، ڈپٹی کمشنر نے کہا کہ حکومت پنجاب نے خواتین کی فلاح و بہبود اور ترقی کیلئے جو اقدامات کئے ہیں وہ قابل تحسین ہیں، جس میں خواتین کے حقوق کے تحفظ فراہم کیا گیا ہے ، خواتین کو ہراساں کرنے کے قوانین پر عملداری ، کراسسز سنٹرز کا قیام، فیملی کورٹس، زچگی کے دوران 90دنوں کی چھٹیاں ، ملازم پیشہ خواتین کے لئے ہاسٹل اور دیگر اقدامات شامل ہیں، اس موقع پر ڈپٹی کمشنر نے خواتین ممبران پر مشتمل خواتین کے حقوق کے تحفظ کیلئے ضلعی سطح پر کمیٹی کے قیام اور یاد گار کلب سے ملحقہ اراضی پر ڈے کئیر سنٹر کے قیام کا اعلان کیا۔