معذورافرادکے دستاویزات جلدتیار کرکے محکمہ سوشل ویلفیئرکوجمع کروائی جائیں،ڈپٹی ڈائریکٹر سوشل ویلفیئر

مظفر گڑھ۔13 اپریل(مظفر گڑھ ڈاٹ سٹی۔ 13 اپریل2018ء)ڈپٹی ڈائریکٹر سوشل ویلفیئر محمد صفدر وڑائچ نے کہا ہے کہ اگرافراد باہم معذوری کو ہنر مند بنانے اور مالیاتی سہولیات کرنے والے اداروں سے مربوط کر لیا جائے تو ان کو معاشی طور پر مضبوط بنایا جاسکتا ہے اور ان کی کاروباری ترقی کا عمل بھی تیز ہوسکتا ہے یہ بات انہوںنے آفات کے شکارعلاقہ جات سے تعلق رکھنے والے افرادباہم معذوری کی معاشی بہتری کے لیے دی جانے والی تربیت کے اختتام پر ایک تقریب سے خطاب کرتے ہوئے کہی، انہوں نے کہا کہ ’’پاکستان میں آفات سے مقابلہ کرنے کی صلاحیت بڑھانے ‘‘کے رواں پروگرام کے تحت جاری سرگرمیوں پردوآبہ فائونڈیشن، ڈی ڈبلیو ایچ ایچ اورڈی ایف اے آئی ڈی کی کوششوںباالخصوص افرادباہم معذوری اوربزرگ افرادکی پروگرام میں شمولیت ایک احسن اقدام ہے ، اس موقع پر انہوں نے معذوری سرٹیفیکیشن کے لیے فارمزکی فراہمی کی پیش کش کی اورکہاکہ ان معذورافرادکے دستاویزات کی تیاری جلدازجلدمکمل کرکے محکمہ سوشل ویلفیئرکوجمع کروائے جائیںتاکہ یہ دستاویزات محکمانہ توسط سے 17اپریل کومنعقدہ بورڈکے اجلاس میں پیش کی جا سکیں اورجائزے کے بعد’’معذوری سرٹیفیکیٹ‘‘دیاجاسکے۔انہوں نے کہاکہ معذوری سرٹیفیکیٹ کے حصول کے بعدیہ افرادحکومتی اسکیموں سے استحقاق حاصل کرسکیں گے، اس موقع پر میاں حمید اللہ ،محمد بلال ڈسٹرکٹ کوآری نیٹردوآبہ فائونڈیشن نے بھی خطاب کیا۔