مظفر گڑھ ۔12فروری (اُردو پوائنٹ اخبارتازہ ترین – اے پی پی – اے پی پی . 12 فروری 2022ء) :چالو بجلی کے دوران لاکھوں روپے مالیت کی تار اور قیمتی سامان چوری،مقدمات درج،میپکو افسر اور اہلکار معطل۔

میپکو زرائع کے مطابق مظفرگڑھ کی سب تحصیل رنگپور کے علاقے خدائی سے 10 یوم قبل چور چالو بجلی کے دوران 11 کے وی اور 66 کے وی کے 24 ٹاورز سے تیس لاکھ مالیت کی تاریں اور قیمتی سامان  لے اڑے۔

پولیس تھانہ رنگپور نے ایس ڈی او رنگپور کی مدعیت میں نامعلوم چوروں کے خلاف 2 علیحدہ علیحدہ مقدمات درج کر کے تفتیش شروع کر دی ہے۔میپکو چیف ملتان نے واقعہ کا نوٹس لیتے ہوئے ایس ڈی او میپکو رنگپور  سمیت تین اہلکار معطل کر دیئے ہیں۔تاریں چوری ہونے کی وجہ سے ایک ہزار سے زائد گھر اور دررجنوں  فش فارمز دس دن سے بجلی سے محروم ہیں۔