Categories: NewsUrdu News

مظفر گڑھ ، پولیس مقابلے میں کالعدم لشکر جھنگوی کے سربراہ ملک اسحاق سمیت کالعدم تنظیموں کے 14 ملزمان مارے گئے

مظفر گڑھ/ملتان (مظفر گڑھ ڈاٹ سٹی۔ 29 جولائی۔2015ء ) مظفر گڑھ کے علاقہ شاہ والا میں مبینہ پولیس مقابلے میں کالعدم لشکر جھنگوی کے سربراہ ملک اسحاق اور ان کے 2 بیٹوں سمیت کالعدم تنظیموں کے 14 ملزمان مارے گئے ،پولیس مقابلہ میں 6پولیس اہلکار زخمی ہوئے ۔بدھ کو پولیس نے دعویٰ کیاہے کہ آٹھ افراد کی ٹارگٹ کلنگ کے الزام میں حراست میں لیے گئے ملک اسحاق اوران کے بیٹوں کو اسلحہ کی نشاندہی کیلئے مظفرگڑھ کے علاقہ شاہ والا کے قریب لے جایاگیاجہاں موجود ان کے ساتھیوں نے طاقت کے زور پر ملزمان چھڑانے کی کوشش کی جس پر مقابلے میں مارے گئے ۔ہلاک ہونیوالوں میں ملک اسحاق ، دوبیٹے عثمان ، حق نوازاور سرگرم ساتھی غلام رسول شاہ سمیت 14افرادشامل تھے جن کا تعلق کالعدم تنظیم سے تھا اور لاشوں کو ڈی ایچ کیو ہسپتال منتقل کردیاگیا۔پولیس کے مطابق ملزمان سے چار دستی بم ، کلاشنکو ف، تین پستول ،بارود سے بھرے تین کولر، تین سو سے زائد گولیاں اور بارہ بیٹریاں برآمد کرلی گئیں جبکہ چھ افراد فرار ہونے میں کامیاب ہوگئے۔پولیس کے مطابق مقابلے میں شعبہ انسداددہشتگردی کے چھ اہلکار زخمی بھی ہوئے۔ مارے جانیوالے بیشتر افراد اشتہاری ملزم تھے۔مرنیوالوں میں غلام رسول شاہ کا بیٹا بھی شامل ہے تاہم پولیس نے تصدیق نہیں کی۔ پولیس حکام نے کہا کہ ہلاک ہونے والے ملزمان میں زیادہ تر کی عمریں 25 سے 30 سال کے درمیان تھیں۔پولیس حکام کا کہنا ہے کہ ملک اسحاق کو چند روز قبل گرفتار کیا گیا تھا اور ملک اسحاق کو اسلحے کی نشاندہی اور دیگر ملزمان کی گرفتاری کے لئے ملتان سے مظفر گڑھ لایا جایا جا رہا تھا کہ شاہ والا کے قریب ملزمان کے ساتھیوں کے انھیں چھڑانے کی کوشش کی جس پر ملزمان سے مقابلہ ہو گیا اور تمام ملزمان ہلاک ہو گئے۔سی ٹی ڈی پولیس کا کہنا ہے کہ ملزمان کے ساتھی موٹر سائیکلوں پر آئے۔مبینہ پولیس مقابلے میں ہلاک ہونے والے ملزمان کی لاشیں ڈی کیوہسپتال منتقل کردی گئی جب کہ کشیدگی کے خدشے کے پیش نظر ڈی کیوہسپتال کے تمام داخلی و خارجی دروازے بند کر دیئے گئے ۔

Sajid Bukhari

Recent Posts

مظفرگڑھ،تیز بارش کی وجہ سے دوکان کی چھت گرنے سے میاں بیوی اور دو بچوں سمیت 6 افراد زخمی

مظفرگڑھ (مظفرگڑھ ڈاٹ سٹی۔  اے پی پی۔ 25 جولائی2025ء) موسلادھار تیز بارش کی وجہ سے…

1 week ago

نورالعین قریشی گجرات کی پہلی خاتون ڈی سی گجرات تعینات

نورالعین قریشی گجرات کی پہلی خاتون ڈی سی گجرات تعینات ہوئی ہیں ..انکی پہلی پوسٹنگ…

2 weeks ago

عابد رانا ڈائریکٹر جنرل پبلک ریلیشنز واپڈا تعینات – مظفرگڑھ کا سپوت قومی سطح پر سرخرو

اسلام آباد: واپڈا نے سینئر افسر اور کہنہ مشق کمیونیکیشن ایکسپرٹ جناب عابد رانا کو…

3 months ago

Independent Candidate Rana Abdul Manan wins PP-272 election

ISLAMABAD, Feb 10 (APP): Independent Candidate, Rana Abdul Manan Sajid has won the Punjab Assembly…

1 year ago

Amir Talal Khan wins NA-178 election

ISLAMABAD, Feb 9 (APP): Pakistan Muslim League Nawaz Candidate Amir Talal Khan has won the…

1 year ago

Jamshed Dasti secures victory with huge margin in NA-175

The Pakistan Tehreek-e-Insaf (PTI) backed independent candidate Jamshed Dasti secured the seat of Muzaffargarh’s National…

1 year ago