مظفر گڑھ ،عظمت پور میں حوا کی بیٹی لٹ گئی،پولیس کئی روز گزرنے کے بعد ملزموں کو گرفتار نہ کر سکی

مظفر گڑھ(مظفر گڑھ ڈاٹ سٹی۔ 17ستمبر 2013ء ) مظفر گڑھ کے گاو ں میں حوا کی بیٹی لٹ گئی،پولیس کئی روز گزرنے کے بعد بھی ملزموں کو گرفتار نہ کر سکی۔منگل کو تحصیل علی پور کے گاوٴں عظمت پور کے محنت کش کی بیٹی کو گاوٴں کے تین افراد اغوا کر کے لے گئے۔درندہ صفت ملزم لڑکی کو تین روز تک زیادتی کا نشانہ بناتے رہے۔مظلوم لڑکی کے والدین پولیس کے پاس گئے مقدمہ تودرج ہو گیا، لیکن ملزم کو گرفتار نہ کیا گیا۔انصاف کی تلاش میں متاثرہ خاندان لاہور پہنچ گیا۔ لڑکی کی والدہ نے میڈیا کو بتایا کہ ملزم یاسین ان کے شوہر کو اپنی ملازمت کے لئے مجبور کرتا تھا۔ لیکن بڑھاپے کے باعث وہ محنت کے قابل نہیں۔اسی بات کا بدلہ لینے کے لئے ملزم نے بچی کو اغوا کیا۔انہوں نے بتایا کہ ملزمان نے اپنا اثر و رسوخ استعمال کیا اور میڈیکل رپورٹ بھی غلط جاری کرا دی۔