مظفر گڑھ، لیڈی سب انسپکٹر سے زیادتی کا ملزم گرفتار، مقدمہ درج

سٹی تھانے میں ملزم کاشف کے خلاف اغواء ، تشدد اور زیادتی کا مقدمہ درج کر لیا گیا ۔خاتون سب انسپکٹر کو اغواء کے بعد مبینہ جنسی زیادتی کا نشانہ بنانے کا واقعہ مظفر گڑھ میں پیش آیا تھا۔پولیس کے مطابق لیڈی سب انسپکٹر کو چمن بائی پاس کے قریب زیادتی کا نشانہ بنایا گیا۔کار سوار ملزم نے باغ میں لے جا کر تشدد کیا اور ہوس کا نشانہ بنایا۔لیڈی سب انسپکٹر کو ہسپتال منتقل کر دیا گیا ہے، وہ ایک کیس کے سلسلے میں تھانہ صدر آ رہی تھیں کہ انہیں اغواء کر لیا گیا۔