مظفر گڑھ،پنجاب لوکل گورنمنٹ ایکٹ کے نفاذ کے بعد ضلعی زرعی مشاورتی کمیٹی کی تشکیل نو کردی گئی

مظفر گڑھ۔ (مظفر گڑھ ڈاٹ سٹی۔ 18 جنوری2017ء) پنجاب لوکل گورنمنٹ ایکٹ کے نفاذ کے بعد ضلعی زرعی مشاورتی کمیٹی کی تشکیل نو کردی گئی ہے جس کا نوٹیفیکیشن ڈپٹی کمشنر مظفرگڑھ شوکت علی نے جاری کردیا ہے، جس کے مطابق ڈپٹی کمشنر مظفرگڑھ کمیٹی کے چیئر مین اور سیکرٹری ڈپٹی ڈائریکٹر زراعت توسیع مظفرگڑھ ہونگے، جبکہ ڈی پی او مظفرگڑھ، سپرنٹنڈنٹ انجینئر آبپاشی مظفرگڑھ، سپرنٹنڈنٹ انجینئر میپکو مظفرگڑھ، سرکل رجسٹرار کواپریٹیوسوسائٹیزمظفرگڑھ، ایڈیشنل ڈائریکٹر لائیو سٹاک مظفرگڑھ، ڈویژنل فاریسٹ آفیسر مظفرگڑھ، زونل ہیڈ پاسکوعلی پور ،زونل ہیڈ پاسکو جتوئی، ڈپٹی ڈائریکٹر زراعت او ایف ڈبلیو ایم، مظفرگڑھ، اسسٹنٹ ڈائریکٹر کیمسٹ مظفرگڑھ، اسسٹنٹ ڈائریکٹر پی ڈبلیوایند کیو سی پی مظفرگڑھ، اسسٹنٹ ڈائریکٹر سی آر ایس مظفرگڑھ، اسسٹنٹ ایگریکلچرانجینئر مظفرگڑھ، ایکسٹرا اسسٹنٹ ڈائریکٹر زراعت(ای اینڈ ایم) مظفرگڑھ، زونل منیجر زرعی ترقیاتی بینک لمٹیڈمظفرگڑھ، بینک آف پنجاب،حبیب بینک لمٹیڈ ، یونائٹیڈ بینک لمٹیڈ، بینک الفلاح،الائیڈ بینک لمٹیڈ،بینک الحبیب کے ضلعی منیجر، صدر انجمن کاشتکاران مظفرگڑھ رائو ظفر اقبال، چیئر مین کسان بورڈمظفرگڑھ میاں احسان دھنوتر، جنرل سیکرٹری کسان بورڈ مظفرگڑھ مہر خالد محمود، صدر کسان اتحاد مظفرگڑھ خالد کھوکھر گروپ رانا شمشاد علی، صدر زرعی فورم تحصیل علی پور مظہر حسین کولاچی،صدر پیسٹی سائیڈزاینڈ فرٹیلائزر ایسوسی ایشن مظفرگڑھ رشید احمد، سیل آفیسر سیجنٹامظفرگڑھ محمد علی،صدر فرٹیلائزر ایسو سی ایشن کوٹ ادو محمد آصف رضا، صدر پیسٹی سائیڈزاینڈ فرٹیلائزر ایسوسی ایشن چوک سرور شہید محمد اسلم، ترقی پسند کاشتکارتحصیل مظفرگڑھ جام شوکت علی ماہڑہ، ترقی پسند کسان مظفرگڑھ شہاب الدین، ترقی پسند کسان کوٹ ادوغلام حسین، ترقی پسند کاشتکار علی پور عبدالحمید، ترقی پسند کاشتکار جتوئی محمد حنیف ممبران کمیٹی میں شامل ہیں۔کمیٹی فصلات کی صورتحال اورصوبائی حکومت کی طرف سے دئیے گئے اہداف کی کامیابی کاجائزہ ، زرعی مداخل کی قیمتوں کا جائزہ ،محکمہ زراعت کی طرف سے کسانوں کی فلاح وبہبود کیلئے شروع کئے گئے مختلف ترقیاتی پروجیکٹ کی کارکردگی کا جائزہ،بجلی اور پانی کی فراہمی کا جائزہ،بیج، کھاد اور زرعی ادویات کی دستیابی کے جائزہ سمیت کسانوں اور زراعت سے متعلقہ دیگر مسائل کے حل کیلئے اقدامات کرے گی۔