مظفر گڑھ،سیلاب سے بچائو کیلئے تمام تیاریاں وقت سے پہلے کر لی جائیں،ایڈیشنل ڈپٹی کمشنر ریونیو

مظفر گڑھ۔ (مظفر گڑھ ڈاٹ سٹی۔ 18 جنوری2017ء) ایڈیشنل ڈپٹی کمشنر ریونیو مظفرگڑھ مہر خالد نے ڈسٹرکٹ ڈیزاسٹر مینجمنٹ کمیٹی کے اجلاس کی صدارت کرتے ہوئے کہا ہے کہ تمام متعلقہ محکمہ جات اپنے اپنے فلڈ پلان تیار کریں تاکہ سیلاب کے وقت کسی قسم کی دشواری کا سامنا نہ کرنا پڑے، انہوں نے کہا کہ پنجاب ڈیزاسٹر مینجمنٹ اتھارٹی کے احکامات کے مطابق سیلاب سے بچائو کیلئے تام تیاریاں وقت سے پہلے کر لی جائیں، اگر کسی سامان کی ضرورت ہے جس میں کشتیاں، لائف جیکٹ، کیمپ اور دیگر سامان شامل ہے فہرست بنا کر پی ڈی ایم اے کو آگاہ کیا جائے انہوں نے تمام متعلقہ محکماجات کے افسران کو ہدایت کی کہ وہ موجود سامان کی پڑتال کریں اور فنگشنل مشینری اور آلات کی فہرت مرتب کریں ، غیر سرکاری تنظیموں کے پاس موجود سامان کی فہرست بھی حاصل کریں تاکہ وقت پر اس سے بھی فائدہ اٹھایا جا سکے، انہوں نے ریسکیو 1122کے افسرا ن کو ہدایت کی کہ وہ غیر سرکاری تنظیموں کے رضا کاروں کو بھی تربیت فراہم کریں تاکہ وقت پر ان کی صلاحیتوں سے بھی مستفید ہوسکیں، اے ڈی سی ریونیو مہر خالد نے مزید ہدایت کی کہ ڈسٹرکٹ مینجمنٹ کمیٹی مظفرگڑھ کا اجلاس باقاعدگی سے ہر ماہ منعقد کرایا جائے تاکہ تمام محکموں کی کارکردگی کا جائزہ لیا جاسکے، اجلاس میں مختلف محکموں سے مزید بہتری کیلئے تجاویز بھی طلب کی گئیں، اجلاس میں اے سی علی پور عمران شمس، ایس ای آبپاشی رانا محمد طاہر، ایس ڈی او تونسہ بیرا ج عامر تیمور، ڈپٹی ڈائریکٹر زراعت توسیع مہر عابد حسین، ریسکیو 1122انچارج سید فیصل کریم ہمدانی، ایکسین کینال زاہد حسین، دوآبہ فائونڈیشن سے ندیم اختر، سانجھ فائونڈیشن سے ناظم بلوچ سمیت متعلقہ محکموںکے ضلعی سربراہان نے شرکت کی۔