مظفرگڑھ ۔مظفرگڑھ میں ملاوٹی دودھ مافیاکے خلاف کریک ڈاؤن،1000لیٹرمضر صحت دودھ تلف

مظفرگڑھ (مظفرگڑھ ڈاٹ سٹی۔ 09 جون2020ء) ڈائریکٹر جنرل پنجاب فوڈ اتھارٹی عرفان میمن کی ہدایت پر ڈائریکٹر آپریشنز عطاء الحق کھوکھر جنوبی پنجاب فوڈ اتھارٹی کا مظفرگڑھ میں ملاوٹی دودھ مافیاکے خلاف کریک ڈاؤن۔ڈائریکٹرآپریشنز جنوبی پنجاب فوڈ اتھارٹی ملک عطاء الحق کھوکھر کی زیرنگرانی پریتم چوک مظفرگڑھ پرناکہ بندی، 1000لیٹرمضر صحت دودھ تلف۔ڈائریکٹر آپریشنز ملک عطاالحق کھوکھر نیدودھ بردار گاڑیوں میں موجود05ہزارلیڑدودھ کی چیکنگ کی گئی۔موقع پر کیے گئے ٹیسٹ فیل ہونے پر01 ہزارلیٹر دودھ تلف کر دیا گیا۔ڈائریکٹر آپریشنز کے مطابق ضائع کیے گئے دودھ کے فیٹس، ایل آر انتہائی کم، یوریا اور پانی کی ملاوٹ پائی گئی۔انہوں نے دودھ کے معیارکوبہتر بنانے کے لیے ہدایات جاری کی گئیں۔

ڈائریکٹر آپریشنز نے کہا کہ دودھ کی مقدار میں اضافے کے لیے آلودہ پانی اور کیمیکلز کی ملاوٹ سنگین جرم ہے۔ملاوٹی اور ناقص دودھ کا استعمال بچوں اور بڑوں میں متعدد بیماریوں کا باعث بنتاہے۔دودھ جیسی بنیادی خوراک میں ملاوٹ کرنے والے مافیا کے مکمل خاتمے کے لیے کارروائیاں مسلسل جاری رہیں گی۔انہوں نے عوام سے گزارش ہے کہ دودھ میں ملاوٹ کرنے والوں کی نشاندہی کر کے ہمارا ساتھ دیں۔