مظفرگڑھ ۔ضلعی انتظامیہ نے ریسٹ ہاؤس مظفرگڑھ شہریوں کیلئے کھول دیا

مظفرگڑھ (مظفرگڑھ ڈاٹ سٹی۔ 15 اکتوبر2019ء) ضلعی انتظامیہ مظفرگڑھ نے فورٹ منرو میں ضلع کونسل ریسٹ ہاؤس مظفرگڑھ کے شہریوں کیلئے کھول دیا ہے، ریسٹ ہاؤس جو کچھ عرصہ ٹوٹ پھوٹ کا شکار تھا اب اس کی بحالی و مرمت کا کام کا آغاز بھی کردیا گیا ہے تاکہ اسے عوام اورخاص طور پر مظفرگڑھ کے شہریوں کی تفریح و قیام کا ذریعہ بنایا جاسکے اور ساتھ ہی ساتھ اسے سرکارکے لئے منافع بخش بنایا جا سکے۔یسٹ ہاؤ س میں 20کمرے تیار کئے جارہے ہیں،کمروں کا ایک سیٹ تیار کرنے کے بعد اس کی بکنگ کا نظام نافذ کردیا گیا ہے، مظفرگڑھ کاکوئیبھی شہری ڈی سی آفس سے فارم حاصل کر کے سرکاری ریٹ کے مطابق کرایہ جمع کروا کر بکنگ کروا سکتا ہے، البتہ کمروں کی محدود تعداد کے پیش نظر کمروں کی الاٹمنٹ پہلے آئیے پہلے پائیے کی بنیاد پر کی جائے گی، ریسٹ ہاؤس کے کچن اور ڈرائینگ روم کی بحالی کا کام بھی تیزی سے جاری ہے جس کی تکمیل کے بعد مہمانوں کو قیام کے دوران باقاعدہ طور پر کھانے کی فراہمی شروع کردی جائے گی۔