مظفرگڑھ کے ضلعی صدر ہسپتال میں ہیپاٹائٹس سکریننگ کیمپ قائم کر دیا گیا

مظفر گڑھ ۔ (مظفرگڑھ ڈاٹ سٹی ۔ 21 اکتوبر2019ء) مظفرگڑھ کے ضلعی صدر ہسپتال میں ہیپاٹائٹس سکریننگ کیمپ قائم کر دیا گیا وزیر اعلیٰ پنجاب کے مشیر سردار عبدالحی دستی نے کیمپ کا افتتاح کیا۔ تفصیل کے مطابق حکومت پنجاب کی ہدایت پر عوام کو طبی سہولیات کی فراہمی کیلئے ڈسٹرکٹ ہیڈکوارٹر ہسپتال مظفرگڑھ میں 5 روزہ ہیپاٹائٹس سکریننگ کیمپ قائم کر دیا گیا ھے۔کیمپ کا افتتاح وزیر اعلیٰ پنجاب کے مشیر زراعت سردار عبد الحئی دستی نے کیا کیمپ میں ہیپاٹائٹس کی سکریننگ کیلئے آنے والے لوگوں کیلئے 6 کاونٹر قائم کئے گئے ہیں جن سے لوگوں کو ہیپاٹائٹس کے بارے میں آگاھی دی جائے گی کیمپ میں تمام ٹیسٹ فری کئے جائیں گے اور ادویات بھی مفت فراھم کی جائیں گی مشیر زراعت نے تقریب سے خطاب کرتے ہوئے کہا کہ تحریک انصاف کی حکومت عوام کو صحت کی سہولیات فراہم کرنے میں بہت سنجیدہ ہے اور اس مقصد کیلئے تمام ضروری اقدامات کر رہی ہے۔

انہوں نے کہا کہ حکومت کی کوشش ھے کہ صحت کا معیار بلند کیا جائے انہوں نے کہا کہ اس مقصد کے حصول کیلئے طبی عملے کو حکومت کے ساتھ تعاون کرنا چاہئے اور حکومتی پالیسیوں پر خلوص دل کے ساتھ عمل کرنا چاہئے۔ تقریب میں چیف ایگزیکٹو آفیسر ہیلتھ مطفرگڑھ ڈاکٹر ضیاء الحسن ایم ایس صدر ہسپتال مظفرگڑھ ڈاکٹر مہر محمد اقبال اور ڈاکٹروں پیر میڈیکل سٹاف اور شہریوں نے بھاری تعداد میں شرکت کی۔