مظفرگڑھ کی عوام کیلے خوشخبری، ڈپٹی کمشنر نے شہر سے ترکی ہسپتال تک فری بس سروس چلانے کا اعلان کردیا

انجمن تاجران جھنگ روڈ کے صدر ملک عابد ملانہ، جنرل سیکرٹری ناص جمال،شبیر ساغر سابق میونسپل کونسلر،عبدالغفار قریشی سابق میونسپل کونسلر،سہیل عدنان،ملک مجاہد،عمران خلیل قریشی،رضوان قریشی اور متعدد دیگر شہریوں نے کہا ہے کہ ترکی ہسپتال مظفرگڑھ شہر سے 5 کلو میٹر کے فاصلہ پر ہے۔ پٹرول کی قیمت میں اضافے سے رکشہ والوں نے اپنے کرائے دوگنے کر دیئے ہیں جس کی وجہ سے شہریوں کو آمدورفت میں پریشانی کا سامنا کرنا پڑ رہا تھا۔ڈپٹی کمشنر کی طرف سے فری بس سروس کا اجراء خوش آئند ہے اس سے شہریوں نے سکھ کا سانس لیا ہے اور شہریوں کو بہت ریلیف ملے گا۔