مظفرگڑھ کی تعمیر و ترقی کیلئے تمام وسائل بروئے کار لائیں گے،ڈپٹی کمشنر ڈاکٹر احتشام انور

مظفر گڑھ ۔ (مظفر گڑھ ڈاٹ سٹی۔ 03 دسمبر2018ء) ڈپٹی کمشنر مظفرگڑھ ڈاکٹر احتشام انور نے کہا ہے کہ ضلع مظفرگڑھ کی تعمیر و ترقی کے لئے تمام وسائل بروئے کار لائیں گے، منتخب نمائندوں کی مشاورت اور رہنمائی میں حکومت پنجاب سے ایک بڑا ترقیاتی پیکیج لینے کی کوشش کر رہے ہیں تاکہ تمام مسائل کو حل کرنے میں مدد ملے،انہوں نے کہا آئندہ ٹرانسفر اور ریٹائر ہونے والے سرکاری افسران اور اہلکاروں کو انکے شایان شان رخصت کیا جائے گا۔ان خیالات کا اظہار انہوں نے مظفرگڑھ سے ٹرانسفر ہونیوالے ایڈیشنل ڈپٹی کمشنر فنانس اینڈ پلاننگ آصف رحمن کے اعزاز میں الوداعی تقریب سے خطاب کرتے ہوئے کیا ۔ٹرانسفر ہونے والے آفیسر ایڈیشنل ڈپٹی کمشنر آصف رحمٰن نے خطاب کرتے ہوئے کہا کہ میں ڈپٹی کمشنر ،ممبران اسمبلی اور تمام ضلعی انتظامیہ کا شکریہ ادا کرتا ہوں کہ انہوں نے میرے اعزاز میں اس شاندار الوداعی تقریب کا اہتمام کیا۔