مظفرگڑھ پولیس لائن میں مسیحی پولیس ملازمین کے اعزاز میں کرسمس تقریب

مظفرگڑھ۔ (مظفر گڑھ ڈاٹ سٹی۔ 24 دسمبر2018ء) مظفرگڑھ پولیس لائن میں مسیحی پولیس ملازمین کے اعزاز میں کرسمس تقریب کا اہتمام کیا گیا ، ڈی پی او مظفرگڑھ نے تقریب میں خصوصی شرکت کی ۔اس موقع پر ڈی پی او مظفرگڑھ عمران کشور نے کہا کہ اسلام مذہبی رواداری اور احترام کا درس دیتا ہے کرسمس کی تقریبات کی سیکورٹی کے لیے بھر پور اقدامات کئے جائیں تقریب کا انعقاد آئی جی پنجاب کی ہدایت پر کیا گیا جس کا مقصد مذہبی رواداری کو فروغ دینا ہے ،معاشرے میں امن کو قائم رکھنے کیلئے اسلام مذہبی رواداری اور اس کے احترام کا درس دیتا ہے،محکمہ پولیس میں اقلیتی ملازمین کے ساتھ مذہب کے حوالے سے کوئی امتیازی سلوک نہیں کیا جاتا ہے ۔مسیح برادری کے فادرز اور پولیس ملازمین کو بطور مہما ن مدعو کیا گیا، تقریب میں ڈی ایس پیز ،مسیحی پولیس ملازمین و دیگر پولیس افسران نے بھی شرکت کی اختتام پرمسیح پولیس ملازمین کو ڈی پی او عمران کشور نے تحائف نقد عیدی اور پر وقار کھانے سے مہمانوں کی تواضع کی گئی۔