مظفرگڑھ میں موٹرسائیکلوں پر مسلح ڈکیتیاں کرنے والے گروہ نے خوف و ہراس پھیلا دیا، شہری عدم تحفظ کا شکار

مظفرگڑھ (مظفرگڑھ ڈاٹ سٹی۔ 17 جنوری2020ء) شہر میں ڈکیتی اور چوری کی وارداتوں میں مسلسل اضافہ تاجر اور شہری عدم تحفظ کا شکار مظفرگڑھ شہر میں موٹرسائیکلوں پر مسلح ڈکیتیاں کرنے والے گروہ نے خوف و ہراس پھیلا دیا ہے تاجر اور شہری عدم تحفظ کا شکار ہو گئے ہیں گزشتہ شب ڈاکووں کے موٹرسائیکل گینگ نے شہر کے مصروف ترین کاروباری علاقے جھنگ روڈ پر واقع ایک اور میڈیکل سٹور کو لوٹ لیا تفصیل کے مطابق جھنگ روڈ پر واقع حسن میڈیکل سٹور پر گزشتہ شب ساڑھے دس بجے ھنڈا 125 پر سوار 3 مسلح ڈاکو داخل ہوئے اور اسلحہ کے زور پر میڈیکل سٹور کے مالک محمد سلیم اور سٹور پر موجود گاہکوں سے ہزاروں روپے چھین کر فرارہوگئے یاد رہے کہ رواںہفتے میں شہر کے مصروف ترین کاروباری مراکز میں موٹر سائیکل گینگ کی یہ تیسری ڈکیتی ہے اس سے قبل کمیٹی چوک میں ایک میڈیکل سٹور پر ڈکیتی کی واردات کی اور قنوان چوک میں ایک تاجر سے اسلحہ کے زور پر لاکھوں روپے چھین لئے ان کے علاوہ گزشتہ ماہ میں شہر کے مختلف علاقوں میں ڈکیتی کی متعدد وارداتیں ہو چکی ہیں ڈکیتی اور چوری کی وارداتوں میں اضافے اور پولیس کی ڈاکووں کو پکڑنے میں ناکامی نے شہریوں اور تاجروں کو خوف وہراس میں مبتلا کر دیا ہے انجمن تاجران جھنگ روڈ کے صدر ملک عابد ملانہ،جنرل سیکریٹری ناصر جمال اور سرپرست اعلی ا ملک مجاہد حسین نے ڈکیتی کی وارداتوں میں اضافے پر تشویش کا اظہار کرتے ہوئے کہاہے کہ ڈی پی او مظفرگڑھ میں موجود نہیں ھے۔