مظفرگڑھ تا خان گڑھ روڈ ٹوٹ پھوٹ کا شکار، جگہ جگہ گڑھے

مظفرگڑھ (مظفرگڑھ ڈاٹ سٹی ۔ 14 ستمبر2019ء) مظفرگڑھ تا خانگڑھ روڈ کی حالت انتہائی خستہ ہو چکی ہے جبکہ مظفرگڑھ سے علی پور بائی پاس، پیرجہانیاں،دائے والی ماڑی ، منڈا چوک ، پل شمس آباد سے نہر بنگلہ تک سٹی روڈ پر بڑے بڑے گڑھے پڑچکے ہیں جس میں نزدیکی مکینوں نے سیوریج سسٹم نہ ہونے کی وجہ سے گندہ پانی چھوڑ دیا ہے جو تالاب کا منظر پیش کر رہے ہیں جبکہ ان خطرناک گڑھوں میں آئے روز گاڑیاں گر کر تباہ ہو رہی ہیں جبکہ متعدد موٹرسائیکل سوار بھی شدید زخمی ہوچکے ہیں، گاڑیاں الٹنے سے لدا ہوا قیمتی سامان بھی ضائع ہوتا ہے مگر حیران کن امر یہ ہے کہ متعلقہ اداروں اور منتخب ممبران اسمبلی نے تاحال اس روڈ کی دوبارہ تعمیر اور گڑھوں کو پر کرانے کیلئے کوئی نوٹس نہیں لیا اور نہ ہی سیاستدانوں نے کوئی فنڈز ریلیز کرائے ہیں۔
ضلعی صدر مجلس شہریاں مظفرگڑھ رانا امجد علی امجد ایڈووکیٹ نے وزیراعلیٰ پنجاب سے فوری نوٹس لے کر فنڈز ریلیز کر کے روڈ کی ازسر نو تعمیر کا مطالبہ کیا ہے۔