محکمہ جنگلات جنوبی پنجاب نے 83 لاکھ 30 ہزار پودے لگانے کا ہدف مقرر کیا ہے،کیپٹن ریٹائرڈ ثاقب ظفر

سیکرٹری جنگلات، جنگلی حیات و ماہی پروری سرفرازخان مگسی اور ڈپٹی کمشنر مظفرگڑھ ظہیر عباس شیرازی بھی ان کے ہمراہ تھے۔ایڈیشنل چیف سیکرٹری نے افتتاحی تقریب سے خطاب کرتے ہوئے کہا کہ جنگلات کائنات کا لازمی جزو اور زمین کا زیور ہیں۔انہوں نے کہا کہ جنگلات کی کمی سے گلوبل وارمنگ کے خطرات بڑھ رہے ہیں اور موسمی تغیر سے پوری نوع انسانی شدید خطرات سے دوچار ہے۔انہوں نے کہا کہ پاکستان موسمیاتی تبدیلیوں کے مضر اثرات کی زد میں ہے،کسی بھی ملک کے 25 فیصد ایریا پر جنگلات کا ہونا ضروری ہے جبکہ پاکستان میں صرف پانچ فیصد رقبے پر جنگلات موجود ہیں۔