مظفرگڑھ ، موٹر سائیکل اور آئل ٹینکر میں تصادم، ایک شخص جاں بحق ، دوسرا زخمی

ریسکیو کنٹرول روم مظفرگڑھ کے مطابق یہ حادثہ بیٹ میر ہزار خان سے جتوئی کی طرف جانے والے موٹر سائیکل اور جتوئی سے چوک قریشی کی طرف جا نے والے آئل ٹینکر کے درمیان تیز رفتاری کے باعث پیش آیا جس کے نتیجے میں بستی بیٹ دریائی تحصیل جتوئی کا رہائشی 60 سالہ مختیار حسین موقع پر ہی جاں بحق اور اس کا ساتھی 28 سالہ بشیر احمد شدید زخمی ہو گیا۔

اطلاع ملنے پر ریسکیو 1122 نے پولیس کنٹرول کو بھی اطلاع دی اور جائے حادثہ پر پہنچ کر نعش کو لواحقین کے سپرد کر دیا اور زخمی کو ٹی ایچ کیو ہسپتال جتوئی منتقل کر دیا ۔