مظفرگڑھ ، خفیہ اطلاعات پر سرچ آپریشن، بھاری تعداد میں اسلحہ بر آمد

مظفرگڑھ (مظفرگڑھ ڈاٹ سٹی ۔ 22 جولائی2019ء) ایس ایچ او جتوئی کی سربراہی میں خفیہ اطلاعات پر سرچ آپریشن، بھاری تعداد میں اسلحہ، ایمونیشن برامد ملزمان گرفتارتفصیلات کے مطابق ڈی پی او مظفرگڑھ صادق علی ڈوگر کی ہدایت پر جرائم پیشہ افراد کے خلاف بڑی کارروائی کرتے ہوئے ایس ایچ او تھانہ جتوئی زاہد محمود لغاری نے انٹیلی جنس بیسڈ مختلگ مواضعات، جھگی والا، بستی عارف، موضع وینس میں پولیس کی بھاری نفری کے ہمراہ سرچ آپریشن کیا جہاں پولیس کی مختلف ٹیموں نے مشکوک افراد کی بائیو میٹرک اور قومی شناختی کارڈ کے ذریعے تصدیق کی جبکہ 3 جرائم پیشہ افراد جنکا مبینہ طور پر جرائم پیشہ افراد کے بڑے گروہ سے رابطہ کا انکشاف ہوا ہے جن سے ابتدائی طور پر 2 رائفلیں، 4 پستول معہ زندہ روند و درجنوں کارتوس برامد کرا لئے گئے ہین مزید برامدیاں بھی متوقع ہیں، ان ملزمان کو مزید تفتیش کیلئے نامعلوم مقام پر منتقل کردیا گیا ہے، ایس ایچ او جتوئی کا کہنا تھا کہ مجرمان خواہ کتنے ہی طاقتور ہوں ان کو قانون کی سلاخون کے اندر ہی پابند رکھا جائیگا ان کے خلاف مزید کارروائیاں بھی عمل میں لائی جائیں گی، ڈی پی او صادق علی ڈوگر نے بہترین کارروائی پر ایس ایچ او تھانہ جتوئی زاہد محمود لغاری معہ پولیس ٹیم کو شاباش دی۔