مظفرگڑھ ، بینکوں سے رقم نکلواکر نکلنے والے شہریوں سے لاکھوں روپے لو ٹنے وا لا 3 رکنی گینگ گرفتار

مظفرگڑھ (مظفرگڑھ ڈاٹ سٹی۔ 24 جنوری2023ء) مظفرگڑھ پولیس نے بینکوں سے رقم نکلواکر نکلنے والے شہریوں سے لاکھوں روپے لوٹ لینے والے 3 رکنی گینگ کو گرفتار کرلیا،ملزمان مظفرگڑھ،ملتان،رحیم یار خان سمیت پنجاب کے مختلف اضلاع کی پولیس کو 40 سے زائد وارداتوں میں مطلوب تھے۔

پولیس ترجمان کے مطابق مظفرگڑھ میں پولیس نے بینکوں سے پیسے نکلواکر نکلنے والے شہریوں کو لوٹنے والا 3 رکنی گینگ کو سرغنہ امتیاز عرف بلیک بیری کو 2 ساتھیوں مستقیم اور نور سمیت گرفتار کرلیا ہے،پولیس کے مطابق ملزمان مظفرگڑھ،ملتان،رحیم یار خان سمیت پنجاب کے مختلف اضلاع کی پولیس کو 40 سے زائد ڈکیتی کی وارداتوں میں مطلوب تھے.ایک ماہ قبل بھی ملزمان نے مظفرگڑھ کے تھانہ سٹی اور تھانہ سول لائن کی حدود میں بینک سے پیسے نکلواکر نکلنے والے شہریوں سے اسلحے کے زور پر لاکھوں روپے لوٹے اور فرار ہونے میں کامیاب ہوگئے تھے،،پولیس ترجمان وسیم خان گوپانگ کے مطابق گینگ کا سرغنہ امتیاز عرف بلیک بیری مخبری کے شبہ میں باپ بیٹے کے قتل کی واردات میں بھی ملوث ہے.پولیس ترجمان کے مطابق خطرناک گینگ کی گرفتاری پر ڈی پی او احمد نواز شاہ کی جانب سے ایس ایچ او تھانہ سٹی افتخار ملکانی کے لیے نقد انعام اور سرٹیفکیٹس کا اعلان کیا گیا ہے۔