مظفرگڑھ ،گراں فروشی کرنے والوں کیخلاف کارروائی، دکانداروں کو بھاری جرمانے

مظفرگڑھ ۔ (مظفرگڑھ ڈاٹ سٹی۔ 29 جولائی2020ء) مظفرگزھ کے علاقے شاہ جمال میں سپیشل برانچ مظفرگڑھ کی نشاندہی پر پرائس کنٹرول مجسٹریٹ کی پولیس کے ہمراہ گراں فروشی کرنے والوں کیخلاف کارروائی، مظفرگزھ کی تحصیل شاہ جمال میں پرائس کنٹرول مجسٹریٹ طاہر محمود بھٹی نے مقامی پولیس کے ہمراہ مہنگے داموں آٹا فروخت کرنے والے دکانداروں کو بھاری جرمانے کئے۔

اس موقع پر مجسٹریٹ طاہر محمود نے کہا کہ اتنا مہنگائی نہیں ہے جتنا دکانداروں نے کی ہوئی ہے۔ انہوں نے مزید کہا کہ وزیر اعظم پاکستان اور وزیر اعلی پنجاب کی خصوصی ہدایات کو مدنظر رکھتے ہوئے کسی دکاندار کو مہنگے داموں اشیائیخوردونوش فروخت نہیں کرنے دیں گے۔انہوں نے کہا کہ لوگ کھانے پینے کی مہنگی اشیاء فروخت کرنے والوں کی نشاندہی کریں، انشاء اللہ بروقت کارروائی ہوگی۔اس موقع پر مجسٹریٹ ڈاکٹر طاہر محمود بھٹی نے کنٹرول ریٹ860 پر لوگوں میں آٹا تقسیم کیا۔