مظفرگڑھ ،ڈپٹی کمشنر شوکت علی کے اعزاز میں عشائیہ

مظفر گڑھ۔ (مظفر گڑھ ڈاٹ سٹی۔ 24 جنوری2017ء)مظفرگڑھ سے تبدیل ہونے والے ڈپٹی کمشنر شوکت علی کے اعزاز میں اے ڈی سی ریونیو مہر خالد کی طرف سے عشائیہ دیا گیا۔اس موقع پر ڈپٹی کمشنر شوکت علی نے کہا کہ کسی بھی آفیسر کی کامیابی میں اس کے ساتھ کام کرنے والی ٹیم کا بڑا عمل دخل ہوتا ہے ، مظفرگڑھ میں تعیناتی کے دوران مجھے جو ٹیم ملی وہ باصلاحیت اور محنتی ہے ، ضلع کی تعمیر و ترقی اور ضلع کی عوام کی فلاح و بہبود اور ان کے مسائل کے حل کیلئے ہم سب نے مل کر کام کیا اور پنجاب بھر میں ضلع کی کارکردگی کو بہتر بنایا، انہوںنے کہا کہ ضلع میں قیام امن کیلئے محکمہ پولیس بالخصوص ڈی پی او ملک اویس احمد کا بھر پور تعاون رہاجس کو میں کبھی فراموش نہیں کرسکتا، اے ڈی سی جی شہزاد مگسی نے گلدستہ پیش کیا اور اسسٹنٹ کمشنران نے بھی یادگاری شیلڈ پیش کی۔