مظفرگڑھ ،سڑکوں، گلیوں اور پبلک مقامات پر گوبر، عمارتوں کا ملبہ اور سیوریج نالوں میں کوڑا کرکٹ ڈالنے پابندی عائد

مظفرگڑھ (مظفرگڑھ ڈاٹ سٹی۔ 16 دسمبر2019ء) ڈپٹی کمشنر مظفرگڑھ انجینئر امجد شعیب خان ترین کی سفارش پر محکمہ داخلہ حکومت پنجاب نے ضلع مظفرگڑھ کی ریونیو حدود میں سڑکوں، گلیوں اور پبلک مقامات پر گوبر، عمارتوں کا ملبہ اور سیوریج نالوں میں کوڑا کرکٹ ڈالنے پر دفعہ 144 نافذ کر کے پابندی لگا دی ہے۔ڈپٹی کمشنرانجینئر امجد شعیب خان ترین نے کہا ہے کہ دفعہ 144 کے تحت ضلع بھر میں سڑکوں اور گلیوں میں گوبر، عمارتوں کا ملبہ اور سیوریج نالوں میں کوڑا کرکٹ ڈالنے والوں پر پابندی عائد کر دی گئی ہے، اس لئے تمام شہری سڑکوں،گلیوں اور سیوریج لائنوں پر پڑے ہوئے عمارات کا ملبہ اور مویشیوں کے گوبر فی الفور ہٹا لیں وگرنہ ان کے خلاف مقدمات درج کئے جائیں گی.انہوں نے کہا کہ محکمہ داخلہ حکومت پنجاب کی جانب سے دفعہ 144 فوری طور پر پر نافذالعمل ہی.سڑکوں اور گلیوں میں گوبر، عمارتوں کا ملبہ اور سیوریج نالوں میں کوڑا کرکٹ ڈالنے والوں کے خلاف کریک ڈاؤن کیا جائے گا.سڑکوں اور گلیوں میں پڑاعمارتوں کا ملبہ،گوبر اور دیگر کوڑا کرکٹ نہ اٹھانے والوں کے خلاف سخت قانونی کارروائی کی جائے گی.کوڑا کرکٹ سے سیوریج نا لے بلاک کرنے والوں سے بھی سختی سے نمٹا جائیگا. ضلع کو صاف ستھرا بنانا ہماری اولین ترجیح ہے۔

یاد رہے کہ اس پہلے ضلعی انتظامیہ ضلع بھر میں سڑکوں, گلیوں اور سیوریج کی لائنوں کو کاٹنی, توڑنے اور نقصان پہنچانے کے حوالے سے بھی دفعہ 144 نافذ کرچکی ہے۔