مظفرگڑھ ،ایڈیشنل ڈپٹی کمشنر ریونیو کی کھلی کچہری ، عوامی مسائل کے حل کے لیے ہدایات جاری

تحصیل علی پور میں اسسٹنٹ کمشنر عمران رفیق نے اور تحصیل چوک سرور شہید میں اسسٹنٹ کمشنر جمیل حیدر شاہ نے کھلی کچہری لگا کر عوامی مسائل حل کئے۔ کھلی کچہری میں سائلین کے مسائل کی پیش رفت سے سائلین کو آگاہ بھی کیا جاتا ہے۔ انہوں نے کہا کہ سائلین کی ہر درخواست کا فالو اپ بھی لیا جارہا ہے۔ ایڈیشنل ڈپٹی کمشنر ریونیو نے کہا کہ سائلین کے مسائل کے حل کے لیے آسان رسائی کھلی کچہری ہفتے کے تمام دن جاری رہے گی۔انھوں نے کہا کہ شہری بلا جھجک کھلی کچہری میں آئیں اور اپنے مسائل سے آگاہ کریں ان کے مسائل کو میرٹ پر حل کیا جائے گا۔