مظفرگڑھ، گرین اینڈکلین پاکستان مہم کے سلسلے میں میپکو دفتر میں شجرکاری مہم کا آغاز

مظفرگڑھ (مظفر گڑھ ڈاٹ سٹی۔ 28 جنوری2020ء) سپرنٹنڈنگ انجینئرمیپکو سرکل مظفر گڑھ انجینئرمہرنذرمحمدڈب نے کہا ہے کہ پودے نہ صرف ماحول کوبہتراورخوبصورت بناتے ہیں بلکہ ماحولیاتی آلودگی کے خاتمہ میں بھی اہم کرداراداکرتے ہیں۔ انہوں نے گرین اینڈکلین پاکستان مہم کے سلسلے میں میپکو سرکل مظفر گڑھ میں کشف کا پودا لگا کرشجرکاری مہم کا آغازکردیا ہے اورکہا کہ میپکو سرکل مظفر گڑھ کے تمام دفاترکوصاف ستھرا اورسرسبزوشاداب بنایاجائے گااور گرین اینڈکلین پاکستان مہم کے سلسلے میں میپکو سرکل مظفر گڑھ کے ہردفترمیں کم سے کم پچاس پودے لگائے جائیں گے۔اس سلسلے میں میپکو سرکل مظفر گڑھ کے تمام ایکسین،ایس ڈی اوزاورآراوز کوہدایات جاری کردی گئی ہیں کہ وہ گرین اینڈکلین پاکستان مہم کے سلسلے میں اپنے دفاترکوصاف ستھرا اور سرسبزوشاداب بنانے کے لیے موثراقدامات کریں۔انہوں نے کہاکے تمام میپکو ملازمین گرین اینڈکلین پاکستان مہم کوکامیاب بنانے کے لیے بڑھ چڑھ کر حصہ لیں اورہر ملازم اپنے حصے کاپوداضرورلگائے تاکہ میپکودفاترکوسرسبزوشاداب بنایاجاسکے۔اس موقع پرڈپٹی ڈائریکٹرٹیکنیکل محمدنعیم اخترسامٹیہ، ایکسین میپکوڈویڑن مظفرگڑھ محمدعمیرقاسم،اے پی آراوآفتاب احمد اور میپکوسرکل مظفرگڑھ کے ملازمین بھی موجودتھے۔