مظفرگڑھ، ڈینگی وائرس سے بچاؤ و خاتمہ بارے سیمینار کا انعقاد

مظفرگڑھ ۔ (مظفرگڑھ ڈاٹ سٹی۔ 22 جولائی2020ء) ڈائریکٹر جنرل ڈاکٹر رضوان نصیر کی ہدایت پر ریسکیو 1122 مظفرگڑھ نے ڈینگی وائرس سے بچاؤ اور ڈینگی مچھر مکاؤ مہم جاری رکھتے ہوئے ڈسٹرکٹ ایمرجنسی آفیسر ڈاکٹر محمد ارشاد الحق کی قیادت میں سیمنار کا انعقاد کیا گیا جس میں ریسکیو اہلکاروں سمیت بڑی تعداد میں ریسکیو رضاکار خواتین اور مردوں نے شرکت کی۔

سیمنار میں شریک شرکاء سے خطاب کرتے ہوئے ڈسٹرکٹ ایمرجنسی آفیسر نے کہا کہ کورونا وائرس سے بچاؤ کے ساتھ ساتھ ہمیں ڈینگی وائرس سے بچنا ہے جس کے لئے ہمیں احتیاطی تدابیر کو اپنانا ہو گا، احتیاطی تدابیر کو اپناتے ہوئے ہمیں اپنے گھروں ، گلی محلوں اور دفاتر کو اپنے دینی و معاشرتی فرائض سمجھتے ہوئے صفائی کو یقینی بنانا ہے تاکہ ڈینگی جیسے موذی مرض سے بچاؤ یقینی بنایا جا سکے۔