مظفرگڑھ، ڈکیتی کی واردات، لاکھوں روپے نقد،زیورات اسلحہ کے زور پر لوٹ لئے گئے

مظفرگڑھ ( مظفر گڑھ ڈاٹ سٹی۔ 21 مئی2020ء) مظفرگڑھ کے مضافات میں ڈکیتی کی واردات، لاکھوں روپے نقد اور لاکھوں روپے کے زیورات اسلحہ کے زور پر لوٹ لئے گئے۔تفصیل کے مطابق پولیس تھانہ سول لائنز کی حدود چک مٹھن میں ھول سیل کا کاروبار کرنے والے تاجر احسان کریم کے گھر رات ایک بجے چار نامعلوم نقب پوش ڈاکوؤں نے اسلحہ کے زور پر دھاوا بول دیا اور گھر میں موجود تمام اہلخانہ کو ایک کمرہ میں یر غمال کرکے گھر میں موجود دس لاکھ روپے نقدی، چھ تولہ طلائی زیورات، آٹھ تولے چاندی، دو عدد موبائل لوٹ کر فرار ہوکر ہوگئے۔

واقع کی اطلاع پر پولیس تھانہ سول لائنز نے موقع پر پہنچ کر کارروائی شروع کردی یے۔جبکہ مظفرگڑھ میں بڑھتی ہوئی چوری ڈکیتی کی وارداتوں پر قابو پانے کے لئے ڈکیتی کا شکار احسان کریم سمیت اہل علاقہ نے وزیراعلی پنجاب، آئی جی پنجاب، آر پی او ڈی جی خان اور ڈی پی او مظفرگڑھ سے چوری ڈکیتی کی وارداتوں پر قابو پانے کی اپیل کرتے ہوئے شہریوں کو تحفظ فراہم کرنے کا مطالبہ کیا یے۔