مظفرگڑھ، ڈپٹی کمشنر کی زیر صدارت شوگر کین سین کمیٹی کا اجلاس

مظفرگڑھ (مظفرگڑھ ڈاٹ سٹی ۔ 14 ستمبر2019ء) ڈپٹی کمشنر مظفرگڑھ ڈاکٹر احتشام انور کی زیر صدارت شوگر کین سین کمیٹی کا اجلاس ڈی سی آفس کے کمیٹی روم میں منعقد ہوا، اجلاس میں ممبران صوبائی اسمبلی عون حمید ڈوگراور نیاز احمد گشکوری سمیت فاطمہ شوگر مل، شیخو شوگر مل اور تاندلیانوالی شوگر مل کے نمائندگان، ڈپٹی ڈائریکٹر ڈویلپمنٹ خالد محمود اور متعلقہ محکموں کے افسران نے شرکت کی، اجلاس میں بتایا کہ مالی سال 2016-17کی سٹرکوں کی تعمیرو مرمت کی 16سکیمیں مکمل ہوچکی ہیں، جس پر 61کروڑ44لاکھ39ہزار روپے لاگت آئی ہے۔
اجلاس میں ڈپٹی کمشنر ڈاکٹر احتشام انور نے بتایا کہ مالی سال 2019-20میں شوگر ملوں، مقامی ایم پی ایز اور کاشتکاروں کی تجویز کردہ سڑکوں کی تعمیرو مرمت کی 13سکیموں کی منظوری دی جاچکی ہے، جس پر ٹینڈرز ہونا مقصود ہیں، ٹینڈرز ہونے کے بعد ان پر کام شروع کردیا جائے گا، ان سکیموں پر 36کروڑ 73لاکھ روپے سے زائد لاگت آئے گی۔
انہوں نے بتایا کہ تجویز کردہ سکیموں میں 2,2سکیمیں فاطمہ شوگر مل، شیخو شوگر مل اور تاندلیانوالی شوگر مل کی ہیں، جبکہ 5سکیمیں ممبر صوبائی اسمبلی عون حمید ڈوگراور علاقہ کے کاشتکاروں کی تجویز کردہ ہیں، 2سکیمیں ممبر صوبائی اسمبلی نیاز احمد گشکوری اور علاقہ کی کاشتکاروں کی تجویز کردہ ہیں۔