مظفرگڑھ، پولیس سرچ آپریشن، 4 اشتہاریوں سمیت 7 ملزمان گرفتار

مظفرگڑھ (مظفرگڑھ ڈاٹ سٹی ۔ 03 اگست2019ء) تھانہ خانگڑھ کے علاقوں میں پولیس اور قانون نافذ کرنے والے دیگر اداروں کا ڈی ایس پی عاشق حسین کھوسہ کی سربراہی میں گرینڈ سرچ آپریشن، 4 مجرمان اشتہاریوں سمیت 7 ملزمان گرفتار، ناجائز اسلحہ اور منشیات برآمد کرلی گئیں۔ تفصیلات کے مطابق ڈی ایس پی صدر سرکل عاشق حسین کھوسہ کی سربراہی میں پولیس اور دیگر قانون نافذ کرنے والے اداروں کیطرف سے گرینڈ سرچ آپریش کیا گیا، گرینڈ سرچ آپریشن کا آغاز علی الصبح کیا گیا اور صبح 8 بجے سرچ آپریشن مکمل کر لیا گیا، سرچ آپریشن میں 4 مجرمان اشتہاریوں کو گرفتار کیا گیا جبکہ 3 ملزمان سے 1 رائفل، 3 کلو گرام سے زائد بھنگ اور 120 لٹر شراب برآمد ہونے پر گرفتار کیا گیا، سرچ آپریشن میں پولیس اور دیگر قانون نافذ کرنے والے اداروں کے 300 سے زائد جوانوں نے حصہ لیا، سرچ آپریشن تھانہ خانگڑھ کے علاقوں شاہ جمال روڈ،بنے والا اور بستی منڈیر میں کیا گیا، سرچ آپریشن میں سرکل صدر کے ایس ایچ اوز، تفتیشی افسران،پولیس جوان،انسپکٹر طارق ستار نے بھی شرکت کی۔
سرچ آپریشن کے اختتام کے بعد ڈی ایس پی صدر سرکل عاشق حسین خان کھوسہ نے سرچ آپریشن کی تفصیلات سے بھی آگاہ کیا۔ ان کا کہنا تھا کہ شہریوں کے پولیس متعلق مسائل کا حل شہریوں کے ساتھ بہترین تعلق استوار کر کے حل کرنا ان کی ترجیحات میں شامل ہے۔