مظفرگڑھ، پراپرٹی ڈیلر کا قاتل قریبی دوست نکلا،

مظفرگڑھ (مظفرگڑھ ڈاٹ سٹی۔ 25 اکتوبر2019ء) 12 یوم قبل لاپتہ بونے والے پراپرٹی ڈیلر کا قاتل قریبی دوست نکلا، قتل کرکے سر تن سے جدا کرکے لاش نہر میں پھینک دی تھی، پولیس نے دو ملزم گرفتار کر لئے ملزمان نے اقبال جرم کر لیا۔تفصیل کے مطابق مظفرگڑھ کے قریبی قصبے چوک سرور شہید میں محمد رمضان عرف رمضی نامی پراپرٹی ڈیلر 12 یوم قبل رات کے وقت گھر سے نکلا اور پھر لاپتہ ھوگیا۔پولیس تھانہ چوک سرور شہید نے نامعلوم ملزمان کے خلاف مقدمہ درج کرکے تفتیش شروع کردی۔ مظفرگڑھ پولیس کو چند یوم قبل مظفرگڑھ کینال سے ایک سربریدہ لاش ملی تھانہ چوک سرور شہید پولیس نے رمضان کے والد اور بھائیوں کو شناخت کیلئے بلایا مگر سر کے بغیر خستہ حالت لاش کو وہ شناخت نہ کر سکے۔