مظفرگڑھ، سپیشل برانچ کی نشاندہی پر آئل چور مافیا کے خلاف بڑی کاروائی،سرغنہ سمیت 4 افراد گرفتار

مظفرگڑھ۔4ستمبر  (مظفرگڑھ ڈاٹ سٹی۔ 04 ستمبر2021ء) :سپشل برانچ کی نشاندہی پر آئل چور مافیا کے خلاف بڑی کاروائی،سرغنہ سمیت 4 افراد گرفتار،مقدمہ درج، سپیشل  برانچ کے زرائع کے مطابق ڈسٹرکٹ آفیسر سپیشل برانچ ابراہیم خان دریشک نے سپیشل برانچ آفیسر فہد منیر لغاری اور ان کی ٹیم کے ہمراہ مظفرگڑھ کے نواحی علاقے سنانواں میں کاروائی کرتے ہوئے  پی ایس  او پائپ لائن سے تیل چوری کے لئے لگائے گئے چار کلمپ برآمد کر کے 4 ملزمان سلیم،صابر،ارشاد جٹ اور نوید بھٹی کو رنگے ہاتھوں چوری شدی تیل کے ہمراہ گرفتار کر لیا ہے،جبکہ ان کے 4 ساتھی فرار ہونے میں کامیاب ہو گئے، ملزمان کلمپ لگا کر پائپ لائن سے کروڑوں روپے کا آئل چوری کر رہے تھے،گرفتار ملزمان نے اپنے بھاگ جانے والے ساتھیوں کے نام عمر امانت،عابد حسین،الطاف اور محمد راشد بتائے ہیں،انہوں نے یہ بھی بتایا کہ وہ اس سے قبل 3 مرتبہ تیل چوری کرکے مختلف مقامات پر فروخت کر چکے ہیں،پولیس تھانہ محمود کوٹ نے پی ایس او کے سیکیورٹی آفیسر میاں محمد اعجاز کی مدعیت میں  مقدمہ درج کر کے ملزمان کے قبضہ سے ایک عدد بیڈفورڈ ٹرک  معہ 2000 لیٹر ٹینکی چوری شدہ تیل،ایک عدد سوزوکی کار،ایک عدد ہونڈا سٹی موٹرسائیکل 70 سی سی،آہنی کلمپ معہ 4 عدد نٹ بولٹ،25 فٹ طویل پریشر پلاسٹک پائپ اور ایک عدد ہینڈل والو برآمد کر لیا ہے۔