مظفرگڑھ، حکومت عوام کے مسائل حل کرنے میں ناکام ہو چکی ہے، نوابزادہ افتخار احمد خان

مظفرگڑھ ۔ (مظفر گڑھ ڈاٹ سٹی۔ 03 اپریل2019ء) پیپلزپارٹی کے رکن قومی اسمبلی نوابزادہ افتخار احمد خان نے بھٹو شہید کی برسی میں قافلہ کے ہمراہ شرکت کے لئے خان گڑھ سے سندھ روانگی سے قبل کارکنوں سے خطاب کرتے ہوئے کہا ہے کہ حکومت عوام کے مسائل حل کرنے میں ناکام ہو چکی ہے اور ہر روز نیا بجٹ آ رہا ہے، مہنگائی میں بے تحاشا اضافہ ہو چکا ہے، پیپلزپارٹی کی قیادت کے خلاف انتقامی کارروائیاں عروج پر ہیں، یہ حکومت کی طرف سے عوام کی توجہ اصل مسائل سے ہٹانے کی کوشش ہے جو قابل مذمت ہے۔