مظفرگڑھ، حفاظتی ٹیکہ جات کی معمول کی سرگرمیوں میں بہتری کیلئے ممکن وسائل بروئے کار لایا جارہا ہے،ڈپٹی کمشنر

مظفرگڑھ ۔ (مظفرگڑھ ڈاٹ سٹی۔ 12 اگست2020ء) ڈپٹی کمشنر انجینئر امجد شعیب خان ترین نے کہا ہے کہ ہم ضلع مظفرگڑھ سے نہ صرف پولیو کے خاتمے کیلئے پرعزم ہیں بلکہ حفاظتی ٹیکہ جاتی کی معمول کی سرگرمیوں میں بہتری کیلئے بھی ہر ممکن وسائل کو بروئے کار لایا جارہا ہے۔ معاون اداروں کی تعاون سے بہت جلداس سلسلے میں مثبت نتائج سامنے آئیں گے۔
یہ بات انہوں نے ڈبلیو ایچ او کے وفد کے ساتھ ایک اجلاس کی صدارت کرتے ہوئے کہی۔ اس موقع پرکنٹری ڈائریکٹر ڈبلیو ایچ او ڈاکٹر پیلنتھا گوناراتھنا نے کہا ہے کہ حفاظتی ٹیکہ جات کے پروگرام کو موثر بناکر تمام متعددی بیماریوں کا تدراک ممکن ہے، قبل ازیں کنٹری ڈائریکٹر ڈبلیو ایچ او نے اپنی ٹیکنکل ٹیم کے ہمراہ دفتر سی ای او ہیلتھ مظفرگڑھ کا دورہ کیا اور پولیو کے حالیہ کیسز کے بارے میں تفصیلات اور پولیو کے تدارک کیلئے ضلع سطح پر اٹھائے گئے اقدامات اور حکمت عملی کا تفصیلی جائزہ لیا۔

ڈاکٹر پیلنتھا نے محکمہ صحت کی جانب سے اٹھائے گئے اقدامات کی تعریف کی اور امید کا اظہار کیا کہ ڈپٹی کمشنر سی ای او ہیلتھ اور ڈی ایچ او پی ایس کی زیر سرپرستی حفاظتی ٹیکہ جات کے پروگرام میں بہتری آئے گی۔ اس موقع پر ڈاکٹر پیلنتھا نے اپنی ٹیم کے ہمراہ ڈی ایچ او دفتر میں قائم کردہ ڈسٹرکٹ کنٹرول روم کا بھی افتتاح کیا۔انہوں نے کنٹرول روم مثالی قرار دیا۔ اس موقع پر ڈاکٹر فیاض کریم لغاری سی ای او ہیلتھ ڈاکٹر اقبال مکول ڈی ایچ او پی ایس ڈبلیو ایچ او کے ڈاکٹر یاسر شاہ ڈاکٹرعبد الرؤف ڈاکٹر عادل لغاری عدنان لغاری میڈیا کوآرڈینیٹر ڈی جی خان راجن پور اور لیہ سے آئے ہوئے ڈبلیو ایچ او وفد کے ارکان نوید شاہ شاہد دستی بھی موجود تھے۔