مظفرگڑھ، تحریک انصاف حکومت نے آمدن اہداف کے ریکارڈ توڑ دئیے، مہناز سعید

مظفرگڑھ۔ (مظفرگڑھ ڈاٹ سٹی ۔ 27 جولائی2019ء) چیف منسٹر شکایات سیل پنجاب کی وائس چیئرپرسن مہناز سعید نے کہا ہے کہ تحریک انصاف حکومت نے آمدن اہداف کے ریکارڈ توڑ دئیے، پنجاب حکومت نے صرف 8 ماہ میں 98 فیصد آمدن اہداف حاصل کر لئے جو ایک بڑی کامیابی ہے۔
اپنی رہائشگاہ پر پارٹی ورکرز اور شہریوں سے بات چیت کرتے ہوئے انہوں نے کہا کہ ملک کو کرپشن فری بنا کر دم لیں گے اور عمران خان نے قوم سے جو وعدے کئے ہیں وہ پورے ہونگے۔

انہوں نے کہا کہ پنجاب کے ہسپتالوں کی حالت زار کو مزید بہتر بنانے کے لئے وزیر اعلی سردار عثمان بزدار اقدامات کر رہے ہیں، اب ماضی کی طرح ڈرامہ بازی کی بجائے عملی کام ہو گا۔ اس موقع پر صدر مجلس شہریان ضلع مظفرگڑھ رانا امجد علی امجد ایڈووکیٹ، قاضی سرفراز حسین، رانا واجد علی،کاشف احمد سمیت شہریوں اور کارکنوں کی کثیر تعداد موجود تھی جنہوں نے انہیں مقامی مسائل سے آگاہ کیا۔