مظفرگڑھ، بھارتی یوم آزادی کے موقع پر یوم سیاہ ریلی کا انعقاد

مظفرگڑھ ۔ (مظفرگڑھ ڈاٹ سٹی ۔ 15 اگست2019ء) مظفرگڑھ میں بھی بھارتی یوم آزادی کے موقع پر یوم سیاہ ریلی نکالی گئی،ریلی میں سیاہ پرچم اٹھائے ہزاروں افرد نے شرکت کی اور بھارت کیخلاف شدید نعرہ بازی کی۔
ریلی کی قیادت مشیروزیراعلیٰ پنجاب سردار عبد الحئی دستی،ڈپٹی کمشنر مظفرگڑھ ڈاکٹر احتشام انور اور ڈی پی او مظفرگڑھ صادق علی ڈوگر نے کی، ڈپٹی کمشنر آفس سے نکالی جانے والی ریلی مظفرگڑھ پریس کلب پہنچی جہاں شرکاء نے بھارت کیخلاف شدید نعرہ بازی کی۔

ریلی سے خطاب کرتے ہوئے مقررین کا کہنا تھا کہ کشمیر میں بھارتی ظلم و بربریت ناقابل برداشت ہے۔ ان کا کہنا تھا کہ بھارت کی جانب سے کشمیر میں انسانی حقوق کی سنگین خلاف ورزیوں پر عالمی خاموشی تشویشناک ہے۔ مقررین کا کہنا تھا کہ عالمی برادری کو بھارت پر دباؤ ڈالنا چاہئیے کہ وہ کشمیریوں پر ظلم و ستم بند کرکے مذاکرات کی میز پر آئے۔