مظفرگڑھ، ایمرجنسی سروس میں اپنے فرائض کو بہتر انداز میں نبھانے کے لیے فزیکل فٹنس کا کلیدی کردار ہے، ڈاکٹر محمد ارشاد الحق

مظفرگڑھ ۔ (مظفر گڑھ ڈاٹ سٹی۔ 11 مارچ2020ء) بدلتے موسم اور موسلادھار بارشوں کے باعث کسی بھی ناگہانی صورتحال کے پیش نظر فیصل اسٹیڈیم میں شدید بارش کے دوران ریسکیو اہلکاروں کی جسمانی فٹنس اور ایمرجنسی سے متعلقہ مہارتوں کو جانچنے کے لیے ڈسٹرکٹ ایمرجنسی آفیسر ڈاکٹر محمد ارشادالحق کی قیادت میں فزیکل فٹنس ٹیسٹ لیا گیا جس میں بڑی تعداد میں ریسکیو اہلکاروں نے حصہ لیا۔اس ٹیسٹ میں ایک میل دوڑ سمیت دیگر فزیکل ایکسرسائزز شامل تھیں ان تمام ایکسرسائز میں خود ڈسٹرکٹ ایمرجنسی آفیسر نے حصہ لیا۔طوفانی بارش میں فزیکل فٹنس ٹیسٹ لینے کا مقصد ریسکیور جوانوں کو کسی بھی ناگہانی صورتحال میں بروقت اور بہتر انداز میں نمٹنے کے لیے تیار کرنا تھا۔ اس موقع پر ڈسٹرکٹ ایمرجنسی آفیسر ڈاکٹر محمد ارشاد الحق نے کہا کہ ایمرجنسی سروس میں اپنے فرائض کو بہتر انداز میں نبھانے کے لیے فزیکل فٹنس کا کلیدی کردار ہے اس لیے تمام ریسکیورز اپنی فٹنس کو یقینی بنائیں اور دوران ایمرجنسی اپنی پیشہ ورانہ صلاحیتوں کو بروئے کار لاتے ہوئے شہریوں کو بہترین سروس فراہم کریں۔