مظفرگڑھ، ایس ایچ او تھانہ سرور شہید زاہد محمود لغاری کی بڑی کارروائی،ملزمان گرفتار مقدمات درج

تفصیلات کے مطابق ڈسٹرکٹ پولیس آفیسر مظفرگڑھ کیپٹن ریٹائرڈ طارق ولایت کی ہدایت پر دور انٹروگیشن گرفتار شراب فروشان کی اطلاع پر کارروائی کرتے ہوئے ایس ایچ او تھانہ سرور شہید زاہد محمود لغاری نے ٹرک سے 642 کارٹن جن میں 16ہزار سے زائد ولایتی شراب کی بوتلیں بند تھیں، برآمد کر لیں۔

دوران کاروائی ملزمان قیصر اور عباس کو گرفتار کرکے ٹرک قبضے میں لے لیا گیا۔ مقدمہ تھانہ سرور شہید میں درج کرلیا گیا ۔اس موقع پر ایس ایچ او تھانہ سرور شہید زاہد محمود لغاری کا کہنا تھا کہ نشہ ایک لعنت ہے تھانہ سرور شہید کو شراب جیسی لعنت سے پاک کرکے دم لوں گا۔منشیات فروشوں کے خلاف کارروائیاں جاری رکھی جائیں گی۔مزید تفتیش جاری ہے اور مزید شراب فروشان پکڑے جائیں گے۔