مظفرگڑھ،ہینڈ واشنگ ڈے کے سلسلہ میں تقریب کا انعقاد

مظفرگڑھ ۔ (مظفرگڑھ ڈاٹ سٹی۔ 16 اکتوبر2019ء) مظفرگڑھ کے پرائمری اسکول میں ورلڈ ہینڈ واشنگ ڈے کے سلسلہ میں دوست ملک قطر کی معروف فلاحی تنظیم قطر چیریٹی کی جانب سے خوبصورت اور رنگا رنگ تقریب کا انعقاد کیا گیا۔تقریب کے مہمان خصوصی قطر چیریٹی کے کوآرڈینیٹر نعمان گیلانی تھے۔تفصیل کے مطابق مظفرگڑھ کے گورنمنٹ گرلز پرائمری اسکول جال والا میں ورلڈ ہینڈ واشنگ ڈے کے سلسلہ میں ایک تقریب کا انعقاد کیا گیا۔

تقریب میں بچوں نے کثیر تعداد میں شرکت کی۔ بچوں نے تقاریر کیں ملی نغمے گائے اور ٹیبلو پیش کئے۔تقریب میں بچوں کو ہاتھ دھونے کے صحیح طریقہ کا عملی مظاہرہ کرکے دکھایا گیا اور ہاتھ دھونے کی افادیت بارے آگاہی دی گئی۔تقریب سے قطر چیریٹی کے کوآرڈینیٹر اور مہمان خصوصی نعمان گیلانی ایجوکیشن آفیسر فیصل گیلانی،فرزانہ اقبال اور حنا گل نے بھی خطاب کیا۔