مظفرگڑھ،ڈینگی آگاہی کائونٹر اور 4 بیڈز پر مشتمل وارڈ قائم

ہسپتال کے ایم ایس ڈاکٹر غلام پنجتن گھلو نے میڈیا سے گفتگو کرتے ہوئے بتایا کہ ملک میں ڈینگی کے بڑھتے ہوئے کیسز کے پیش نظر حکومت کی ہدایت پر تحصیل ہیڈکوارٹر ہسپتال علی پور میں ڈینگی آگاہی کاونٹر قائم کر دیا گیا ہے جہاں شہریوں کو ڈینگی کے بارے میں آگاہی فراہم کرنے کے ساتھ ڈینگی سے بچاو کی احتیاطی تدابیر بھی بتائی جا رہی ہیں،انہوں نے کہا کہ تحصیل علی پور میں اب تک ڈینگی کا کوئی کیس سامنے نہیں آیا ہے تاہم احتیاط کے طور پر ہسپتال میں 4 بیڈز پر مشتمل ڈینگی وارڈ قائم کر دیا گیا ہے،انہوں نے شہریوں سے اپیل کی ہے کہ وہ گھروں میں مچھر مار ادویات کا اسپرے کرائیں اور گھروں میں اور گھر کے آس پاس پانی کھڑا نہ ہونے دیں۔