مظفرگڑھ،عوام کو ان کی دہلیز پر سہولیات پہنچانے کا کام بھرپور طریقے سے جاری ہے،ڈپٹی کمشنر

مظفرگڑھ(مظفرگڑھ ڈاٹ سٹی ۔ 19 فروری2022ء) ڈپٹی کمشنر مظفرگڑھ سید موسیٰ رضا اور صوبائی پارلیمانی سیکرٹری برائے آبپاشی و ایم پی اے اشرف خان رند نے کہا ہے کہ عوام کو ان کی دہلیز پر سہولیات پہنچانے کا کام بھرپور طریقے سے جاری ہے۔انہوں نے ان خیالات کا اظہار مظفرگڑھ کی تحصیل کوٹ ادو کے نواحی علاقے دائرہ دین پناہ میں دیہی مرکز مال کا افتتاح کرتے ہوئے کیا۔

اس موقع  پر اسسٹنٹ کمشنر کوٹ ادو عامر محمود بھی ان کے ہمراہ تھے۔اس موقع پر ڈپٹی کمشنر سید موسی رضا نے میڈیا سے گفتگو کرتے ہو ئے بتایا کہ یہ پنجاب حکومت کا فلیگ پراجیکٹ ہے، اس پراجیکٹ کے تحت دیہی مراکز مال پر عوام کو ان کے ڈور سٹیپ پر وہ تمام سہولیات فراہم کر دی گئی ہیں جن کےلئے انہیں سفر کرکے کمپیوٹرائزڈ اراضی سینٹر کوٹ ادو جانا پڑتا تھا،فرد ملکیت، انتقالات نقل جمعبندی غرض یہ کہ محکمہ مال سے متعلقہ وہ تمام کام جو پہلے تحصیل اراضی سنٹر پر ہوتے تے تھے اب دیہی مرکز مال میں ہوں گے۔