مظفرگڑھ،سیلاب کا خطرہ ٹل چکا،بپھرے ہوئے دریائے سندھ میں تبدیلی آنے لگی،دریائے سندھ میں ہیڈ تونسہ بیراج کے مقام پر پانی کی سطح میں مسلسل کمی ،علاقہ مکین اپنے گھروں کو واپس لوٹنے لگے

پانی کی سطح میں مسلسل کمی ہو رہی ہے اور آئندہ 2 سے 3 روز تک دریائے سندھ معمول پر آ جائے گا،سیلاب کا خطرہ ٹل چکا ہے اور کوٹ ادو تحصیل،تونسہ تحصیل اور دیگر تمام ملحقہ علاقے بالکل محفوظ ہیں۔ملک رحیم بخش،اللہ داد،وریام خان،محمد شریف، قادر بخش،دین محمد اور علاقے کے متعدد دیگر افراد نے بتایا ہے کہ سیلاب کے بارے میں افواہوں کی وجہ سے جتنا خوف پھیلا ہوا تھا کہ 7 لاکھ کیوسک فٹ کا پانی کا ریلا آ رہا ہے اور علاقہ شدید خطرے کی زد میں ہے الحمد للہ ایسا کچھ نہیں ہوا ،اب پانی کی سطح بہت کم ہو چکی ہے دریا ءمعمول پر آ رہا ہے اس لئے وہ لوگ اپنے گھروں کو واپس جا رہے ہیں۔