مظفرگڑھ،زہریلی شراب پینے سے مرنے والوں کی تعداد 8 ہو گئی،اموات میں مزید اضافے کا خدشہ

پولیس ذرائع کے مطابق اب تک زہریلی شراب پینے سے 8 افراد ہلاک ہو چکے ہیں جبکہ اموات میں اضافے کا خدشہ ظاہر کیا جا رہا ہے، سانول نامی شراب فروش نے 15 افراد کو شراب فراہم کی تھی جن میں سے اب تک عبدالوحید،منور،بلال،عرفان،رمضان،رانا اسد اور منا زہریلی شراب پینے سے ہلاک ہو چکے ہیں اور باقی شراب پینے والوں کی حالت بھی تشویشناک ہے، پولیس ہلاکتوں میں اضافہ کا خدشہ ظاہر کر رہی ہے، پولیس نے لاشوں کو تحویل میں لے کر پوسٹ مارٹم کے لئے تحصیل ہیڈ کوارٹر ہسپتال علی پور منتقل کر دیا ہے۔

پولیس تھانہ سٹی علی پور نے مرنے والوں کو شراب فراہم کرنے والے شراب فروش سانول کو گرفتار کر کے مقدمہ درج کر لیا ہے،مرنے والوں کے ورثا ءمعاملے کو دبانے کی کوشش کر رہے ہیں۔زہریلی شراب سے ہلاک ہونے والے رانا اسد کی لاش اس کے ورثا ءپوسٹمارٹم کرائے بغیر ہسپتال سے لے گئے ہیں۔