مظفرگڑھ،جہالت کی انتہا، بچہ پیدا نہ کرنے کی پاداش میں شوہر نے بیوی کو قتل کر دیا

مظفرگڑھ (مظفرگڑھ ڈاٹ سٹی۔ 21 نومبر2019ء) بچہ پیدا نہ کرنے کی پاداش میں شوھر نے بیوی کو قتل کر دیا۔ تفصیلات کے مطابق علی پور کی رھائشی مقتولہ شمشاد مائی کے والد محمد علی ببر نے نے تھانہ کندائی کو درخواست میں الزام لگایا کہ دریا پار کچہ کے علاقے موضع بیٹ میر احمد جھبیل کے رھائشی اللہ ڈتہ گبول کی شادی 3 سال قبل اس کی بیٹی شمشاد مائی سے ھوئی اور وٹہ میں اللہ ڈتہ کی بہن سسی مائی کا رشتہ اس کے بیٹے خلیل احمد سے ھوا جس کی رخصتی کم عمر ھونے کی وجہ سے تا حال نہ ھوئی ھے۔

اللہ ڈتہ گبول نے شمشاد مائی کو بچہ پیدا نہ کرنے کی پاداش میں فائر مار کر قتل کر دیا اور خود خاندان سمیت موقع سے فرار ھو گیا ھے پولیس نے لاش کو رورل ھیلتھ سنٹر سیت پور بھجوایا، جہاں پوسٹمارٹم کے بعد لاش ورثا کے حوالے کر دی گئی۔ پولیس تھانہ کندائی نے محمد علی کی مدعیت میں ملزمان کے خلاف مقدمہ درج کر کے ملزمان کی گرفتاری کیلئے چھاپے مارنے شروع کر دیئے ھیں۔